ನಿಮ್ಮ ಲೈಫ್‌ನಲ್ಲಿ ನೆಮ್ಮದಿನೇ ಇಲ್ವಾ? ಸುಮ್ನೆ ಡಾಕ್ಟರ್‌ಗೆ ದುಡ್ಡು ಸುರಿಯೋ ಬದಲು ಇದನ್ನೊಮ್ಮೆ ಓದಿ, ಶಾಕ್ ಆಗ್ತೀರಾ!

ಬೆಳಿಗ್ಗೆ ಎದ್ದಾಗಿನಿಂದ ರಾತ್ರಿ ಮಲಗೋವರೆಗೂ ಯಂತ್ರದ ತರಹ ದುಡಿತೀರಾ, ಆದ್ರೆ ಮನಸ್ಸಿಗೆ ಮಾತ್ರ ಸಮಾಧಾನ ಇಲ್ಲ ಅಲ್ವಾ? ಕೈತುಂಬಾ ಸಂಬಳ ಬಂದ್ರೂ, ಅಕೌಂಟ್ ನಲ್ಲಿ ದುಡ್ಡಿದ್ರೂ, ರಾತ್ರಿ ದಿಂಬಿನ ಮೇಲೆ ತಲೆ ಇಟ್ಟರೆ ನೆಮ್ಮದಿಯ ನಿದ್ದೆ ಮಾತ್ರ ಬರ್ತಿಲ್ಲ. ಎಷ್ಟೋ ಜನರಿಗೆ ತಮಗೇನು ಕಾಯಿಲೆ ಇದೆ ಅಂತಾನೇ ಗೊತ್ತಿಲ್ಲ, ಆದ್ರೂ ಮನಸ್ಸು ಮಾತ್ರ ಸದಾ ಭಾರವಾಗಿರುತ್ತೆ.

ಇದಕ್ಕೆಲ್ಲಾ ಕಾರಣ ನಾವೇ ಮಾಡಿಕೊಂಡಿರೋ ಇಂದಿನ ಲೈಫ್ ಸ್ಟೈಲ್ ಮತ್ತು ಓವರ್ ಥಿಂಕಿಂಗ್. ಈ ಸಮಸ್ಯೆಗೆ ಪರಿಹಾರ ಹುಡುಕೊಂಡು ನಾವು ಎಲ್ಲೆಲ್ಲೋ ಅಲೀತೀವಿ, ಸಾವಿರಾರು ರೂಪಾಯಿ ಖರ್ಚು ಮಾಡ್ತೀವಿ. ಆದ್ರೆ ನಮ್ಮ ಋಷಿಮುನಿಗಳು ಸಾವಿರಾರು ವರ್ಷಗಳ ಹಿಂದೆಯೇ ಇದಕ್ಕೆಲ್ಲಾ ಒಂದೇ ಲೈನ್ ನಲ್ಲಿ ಮದ್ದು ಕಂಡುಹಿಡಿದು ಕೊಟ್ಟು ಹೋಗಿದ್ದಾರೆ, ನಮಗೆ ಅದರ ಬೆಲೆ ಗೊತ್ತಿಲ್ಲ ಅಷ್ಟೇ.

ಇದು ಬರಿ ಮುದುಕರು ಹೇಳೋ ಶ್ಲೋಕ ಅಲ್ಲ, ಪವರ್‌ಫುಲ್ ಸೈನ್ಸ್!

ತುಂಬಾ ಜನ ಏನ್ ತಿಳ್ಕೊಂಡಿದಾರೆ ಅಂದ್ರೆ, ಗಾಯತ್ರಿ ಮಂತ್ರ ಹೇಳೋದು ಅಂದ್ರೆ ರಿಟೈರ್ಡ್ ಆದ್ಮೇಲೆ ಟೈಮ್ ಪಾಸ್ ಗೆ ಮಾಡೋ ಕೆಲ್ಸ ಅಂತ. ಆದ್ರೆ ನಿಜ ಹೇಳಲಾ? ಇದು ಇಂದಿನ ಯುವಜನತೆಗೆ ಮತ್ತು ನೌಕರರಿಗೆ ಬೇಕಾಗಿರೋ ಅತ್ಯಂತ ಶಕ್ತಿಶಾಲಿ ಟೂಲ್. ಇದೊಂದು ಸೌಂಡ್ ಥೆರಪಿ ಇದ್ದ ಹಾಗೆ, ಇದರಲ್ಲಿರೋ ಪ್ರತಿಯೊಂದು ಅಕ್ಷರಕ್ಕೂ ಅದರದ್ದೇ ಆದ ವೈಜ್ಞಾನಿಕ ಮಹತ್ವ ಇದೆ.

ನಾವು ಯಾವಾಗ “ಓಂ ಭೂರ್ಭುವಃ ಸ್ವಃ” ಅಂತ ಉಚ್ಚಾರಣೆ ಮಾಡ್ತೀವೋ, ಆಗ ನಮ್ಮ ನಾಲಿಗೆ ಬಾಯಿಯ ಮೇಲ್ಭಾಗದ ಕೆಲವೊಂದು ಮುಖ್ಯವಾದ ಪಾಯಿಂಟ್ಸ್ ಅನ್ನ ಟಚ್ ಮಾಡುತ್ತೆ. ಹೀಗೆ ಟಚ್ ಆದಾಗ ಉಂಟಾಗೋ ವೈಬ್ರೇಷನ್ (Vibration) ನೇರವಾಗಿ ನಮ್ಮ ಮೆದುಳಿನ ನರಮಂಡಲಕ್ಕೆ ತಲುಪುತ್ತೆ. ಇದು ನಮ್ಮ ಬ್ರೈನ್ ಅನ್ನು ಎಚ್ಚರಗೊಳಿಸಿ, ಹಾರ್ಮೋನ್ಸ್ ಗಳನ್ನ ಸರಾಗವಾಗಿ ಹರಿಯುವಂತೆ ಮಾಡುತ್ತೆ.

ಇದನ್ನು ಕೂಡ ಓದಿ: ಗಾಯತ್ರಿ ಮಂತ್ರದ ಅರ್ಥ (ಸಂಪೂರ್ಣ ಪರಿಚಯ ಕನ್ನಡ ಭಾಷೆಯಲ್ಲಿ)

ಮಾತ್ರೆ ನುಂಗಿ ಲಿವರ್ ಹಾಳು ಮಾಡ್ಕೊಬೇಡಿ

ಇವತ್ತಿನ ಕಾಲದಲ್ಲಿ ಚಿಕ್ಕ ವಯಸ್ಸಿಗೆ ಬಿಪಿ, ಶುಗರ್ ಬರೋದು ಕಾಮನ್ ಆಗೋಗಿದೆ, ಡಾಕ್ಟರ್ ಹತ್ರ ಹೋದ್ರೆ ‘ಸ್ವಲ್ಪ Stress ಕಡಿಮೆ ಮಾಡ್ಕೊಳಿ’ ಅಂತ ಹೇಳ್ತಾರೆ. ಆಫೀಸ್ ನಲ್ಲಿ ಬಾಸ್ ಕಿರಿಕಿರಿ, ಟ್ರಾಫಿಕ್ ಜಾಮ್, ಲೋನ್ ಕಟ್ಟೋ ಟೆನ್ಷನ್ ಇಟ್ಕೊಂಡು ಸ್ಟ್ರೆಸ್ ಕಡಿಮೆ ಮಾಡೋದು ಹೇಗೆ ಹೇಳಿ? ಇದಕ್ಕೆಲ್ಲಾ ಒಂದೇ ರಾಮಬಾಣ ಅಂದ್ರೆ ಗಾಯತ್ರಿ ಮಂತ್ರದ ಜಪ.

ದಿನಕ್ಕೆ ಕೇವಲ 15 ನಿಮಿಷ ನೀವು ಕಣ್ಣು ಮುಚ್ಚಿ, ದೀರ್ಘವಾಗಿ ಉಸಿರು ತಗೊಂಡು ಈ ಮಂತ್ರವನ್ನ ಪಠಣೆ ಮಾಡಿದ್ರೆ, ನಿಮ್ಮ ಮೆದುಳಿನಲ್ಲಿರೋ ಅನಾವಶ್ಯಕ ಗೊಂದಲಗಳು ಕ್ಲಿಯರ್ ಆಗುತ್ತೆ. ಮನಸ್ಸು ಎಷ್ಟು ಹಗುರ ಆಗುತ್ತೆ ಅಂದ್ರೆ, ಎಂತದ್ದೇ ಕಷ್ಟ ಬಂದ್ರೂ ಎದುರಿಸೋ ಧೈರ್ಯ ತಾನಾಗಿಯೇ ಬರುತ್ತೆ. ಮನಸ್ಸು ಶಾಂತವಾಗಿದ್ರೆ ಅರ್ಧ ಕಾಯಿಲೆಗಳು ಅಲ್ಲಿಗೇ ಮಾಯವಾಗುತ್ತೆ.

ನಿಮ್ಮ ಮಕ್ಕಳ ಭವಿಷ್ಯದ ಬಗ್ಗೆ ಚಿಂತೆ ಇದ್ಯಾ?

ಇವತ್ತಿನ ಮಕ್ಕಳು ಬುದ್ಧಿವಂತರು, ಆದ್ರೆ ಅವರ ಗಮನ ಒಂದೇ ಕಡೆ ನಿಲ್ಲಲ್ಲ ಅನ್ನೋದೇ ಪೇರೆಂಟ್ಸ್ ಗೆ ಇರೋ ದೊಡ್ಡ ಚಿಂತೆ. ಯಾವಾಗಲೂ ಕೈಯಲ್ಲಿ ಮೊಬೈಲ್, ರೀಲ್ಸ್, ಗೇಮ್ಸ್ ಅಂತ ಕಾಲ ಕಳಿತಾರೆ, ಓದೋಕೆ ಕೂತರೆ ಐದು ನಿಮಿಷಕ್ಕೆ ಎದ್ದು ಓಡಿ ಹೋಗ್ತಾರೆ. ಇವರ ಏಕಾಗ್ರತೆ ಹೆಚ್ಚಿಸಲು ಬಾದಾಮಿ ತಿನ್ನಿಸೋದು ಬೇಡ, ಸುಮ್ನೆ ಈ ಮಂತ್ರವನ್ನ ಕಲಿಸಿ ಸಾಕು.

ಗಾಯತ್ರಿ ಮಂತ್ರಕ್ಕೆ ‘ಬುದ್ಧಿವರ್ಧಕ’ ಅಂತಾನೂ ಕರೀತಾರೆ, ಯಾಕಂದ್ರೆ ಇದು ನೇರವಾಗಿ ನಮ್ಮ ಜ್ಞಾಪಕ ಶಕ್ತಿಯ ಕೇಂದ್ರವನ್ನ ಚುರುಕುಗೊಳಿಸುತ್ತೆ. ಪ್ರತಿದಿನ ಸ್ಕೂಲ್ ಗೆ ಹೋಗೋ ಮುಂಚೆ ಐದು ನಿಮಿಷ ಈ ಮಂತ್ರ ಹೇಳಿಸಿ ನೋಡಿ, ಅವರ ಕಾಂಫಿಡೆನ್ಸ್ ಲೆವೆಲ್ ಡಬಲ್ ಆಗುತ್ತೆ. ಓದಿದ್ದೆಲ್ಲಾ ತಲೆಯಲ್ಲಿ ರಿಕಾರ್ಡ್ ಆಗೋಕೆ ಶುರುವಾಗುತ್ತೆ, ಪರೀಕ್ಷೆ ಭಯ ಕೂಡ ಓಡಿ ಹೋಗುತ್ತೆ.

ಸುಮ್ನೆ ನಂಬಬೇಡಿ, ಟೆಸ್ಟ್ ಮಾಡಿ ನೋಡಿ!

ನಾನು ಹೇಳಿದ್ದೀನಿ ಅಂತ ನೀವು ನಂಬಲೇಬೇಕು ಅಂತೇನಿಲ್ಲ, ನೀವೇ ಸ್ವತಃ ಪರೀಕ್ಷೆ ಮಾಡಿ ನೋಡಿ. ಇವತ್ತಿನಿಂದಲೇ ಒಂದು ಚಾಲೆಂಜ್ ತಗೊಳ್ಳಿ, ಮುಂದಿನ 21 ದಿನಗಳ ಕಾಲ ಬೆಳಿಗ್ಗೆ ಅಥವಾ ಸಂಜೆ ಸ್ನಾನ ಮಾಡಿ 108 ಬಾರಿ ಗಾಯತ್ರಿ ಮಂತ್ರ ಹೇಳಿ. ಮೊದಲ ದಿನ ನಿಮಗೆ ಕಷ್ಟ ಅನ್ನಿಸಬಹುದು, ಮನಸ್ಸು ಓಡಾಡಬಹುದು, ಆದ್ರೆ ಬಿಡಬೇಡಿ.

ಒಂದು ವಾರ ಕಳೆಯೋದರೊಳಗೆ ನಿಮ್ಮಲ್ಲಿ ಆಗೋ ಬದಲಾವಣೆಗಳನ್ನ ನೀವೇ ಗಮನಿಸ್ತೀರಾ. ನಿಮ್ಮ ಕೋಪ ಕಡಿಮೆ ಆಗುತ್ತೆ, ಕೆಲಸದಲ್ಲಿ ಆಸಕ್ತಿ ಹೆಚ್ಚಾಗುತ್ತೆ, ಮತ್ತು ಮುಖ್ಯವಾಗಿ ರಾತ್ರಿ ಹಾಯಾಗಿ ನಿದ್ದೆ ಬರುತ್ತೆ. ಇಷ್ಟೆಲ್ಲಾ ಫ್ರೀ ಆಗಿ ಸಿಗುವಾಗ, ಸುಮ್ನೆ ಯಾಕೆ ಟೆನ್ಷನ್ ಮಾಡ್ಕೊಂಡು ಲೈಫ್ ಹಾಳು ಮಾಡ್ಕೊತೀರಾ? ಇವತ್ತೇ ಶುರು ಮಾಡಿ!